Zëdhënësi i PDK-së, Faton Abdullahu, ka kritikuar presidenten e vendit, Vjosa Osmanin dhe kryeministrin Albin Kurtin, të cilët sipas tij po bëjnë paraqitje krejt ordinere në mediet e mëdha si CNN apo BBC, por po harrojnë që kjo nuk e kompenson shkuarjen në Shtëpinë e Bardhë, përcjell InLajmi.
Avdullahu thotë se Osmani dhe Kurti po krenohen me këto paraqitje thuajse e kanë bërë namin.
Mirëpo sipas tij, më e rëndësishme duhet të ishte bashkrendimi me politikat e SHBA-së sesa këto reklama që po i bëjnë plot ngazëllim.
Postimi i plotë i tij:
Shkoni edhe në “Shtëpinë e Bardhë” jo veç në CNN
Kryeministër, Presidente – paraqitja e juaj në kompanitë e mëdha mediale botërore CNN, EuroNews, BBC etj. nuk e kompenson, shkuarjen e juaj në “Shtëpinë e Bardhë”. Nuk e kompensojnë këto intervista tuaja përshkruese, të vërtetën që duhet ta thoni në “Shtëpinë e Bardhë” dhe sidomos jo koordinimin që duhet ta bëni atje me SHBA-t për strategji të re në rrethana të reja gjeopolitike. Nuk ka asgjë të keqe në këto blic online paraqitje të juaja krejt ordinere, përveç nëse mendoni se po e boni namin me këtë. E reklamat e juaja plotë ngazëllim për këto paraqitje e lë këtë përshtypje. Apo edhe më keq, nëse mendoni se me ato paraqitje po e kompensoni atë që po ua thonë shumica tash sa kohë se po ju mungon shumë – bashëkrendimi i politikave të juaja me politikat e SHBA-s. /InLajmi/
