Ralf Rangnick ka thënë se nuk është vendimi i tij nëse Cristiano Ronaldo do të mbetet në Manchester United përtej këtij sezoni, duke pranuar se kjo do të ishte përgjegjësi e trajnerit të ardhshëm të ‘Djajve të Kuq’.
Ronaldo realizoi një hat-trick të shtunën për ta çuar numrin e golave të tij në Premier League në 15, dhe Rangnick lavdëroi yllin për kontributin e tij.
Megjithatë, ka raporte që supozohet se trajneri i ardhshëm Erik Ten Hag nuk e do Ronaldon në ekip, një mundësi që Rangnick refuzoi ta trajtojë.
“Nuk është vendimi im”, u tha Rangnick gazetarëve. “Cristiano ka edhe një vit kontratë. Është një vendim që menaxheri i ri duhet ta marrë me bordin, përcjell Sinjali.
“Ai tregoi sot dhe kundër Tottenhamit se mund të jetë krijuesi i diferencës në ndeshje si kjo dhe nuk është rastësi që ai ka rekordin e golave më të mirë nga të gjithë lojtarët në histori”, u shpreh Rangnick.
