Kryekuvendari Glauk Konjufca, ka përkujtuar masakrat e 17 prillit 1999 në 2 fshatrat e qytetit të Drenasit në Poklek dhe Çikatovë të Vjetër, përcjell InLajmi.
Konjfuca ka përmendur se si brenda një ditë u vranë 77 civilë shqiptarë në mesin e tyre edhe një foshnje 6 muajsh, masakra e regjimit serb nuk përfundoi kët sepse ata në të njëjtën ditë masakruan edhe 12 banorë tu fshatit Hade të Obiliqit.
Ai është shprehur se sa herë që vijnë këto përvjetorë kuptojmë vlerën e lirisë se me sa mund e sakrificë është fituar, tutje ai ka theksuar se Serbia ka kryer gjenocid në Kosovë.
Ndërsa sipas tij derisa nuk vihet drejtësia në vend trupat e të rënëve zor që do arrijnë të gjejnë prehje, Konjufca përveç përkujtimit ka kërkuar drejtësi për këto masakra.
Postimi i plotë i tij:
17 prilli 1999 na i kujton 2 nga masakrat më barbare të Serbisë në Kosovë.
Në fshatrat Poklek dhe Çikatovë e Vjetër të Drenasit, brenda një dite u vranë mizorisht, u masakruan dhe më pas u dogjën 77 civilë shqiptarë – nga foshnja 6 muajshe e deri tek pleqtë. Në mesin e tyre edhe shkrimtari për fëmijë Ymer Elshani me familjen e tij.
Po këtë ditë dhe të nesërmen, në Hade të Obiliqit, ushtarët e policët serbë masakruan e vranë edhe 12 banorë të këtij fshati.
Sa herë i përkujtojmë ditët e kobshme si këto të popullit tonë, e ndjejmë dhe e kuptojmë edhe më mirë çmimin e shtrenjtë që e kemi paguar për lirinë e pavarësinë e Republikës.
Serbia pushtuese ka kryer gjenocid në Kosovë. Por edhe sot, kur po mbushen 23 vjet, shumë urdhërdhënës dhe ekzekutorë, që kanë qenë organizatorë dhe pjesëmarrës në këtë gjenocid, ende janë të lirë në Serbi. Për më keq, në vend që të jenë në bankën e të akuzuarve, ministrat e Millosheviqit sot janë në krye të Serbisë.
Pa u vënë drejtësia në vend dhe pa u dënuar të gjithë kriminelët, nuk mund të ketë prehje për viktimat e gjenocidit serb dhe as ngushëllim për familjarët e tyre.
Prandaj, përveç kujtimit të lavdishëm, do të lëvizim çdo gur që të sigurojmë drejtësi për të gjithë të rënët.
Lavdi e përjetshme! /InLajmi/
