Lidhja Demokratike e Kosovës, po shprehet e shqetësuar në lidhje me neglizhimin që Qeveria e Kosovës po ia bënë situatave në vend kohëve të fundit, përcjell InLajmi.
Kjo patri ka adresuar disa probleme që sipas tyre janë defekte ë kësaj qeverie, por që kryesore siç ata e mendojnë është shkelja e kushtetues.
Ishte Ministrja e Arsimit, Arbërie Nagavci, ajo që kishte shkelur Kushtetutën e Kosovës me vendimin që ajo kishte marrë për një nga shkollat e Kamenicës.
Kurse krejt kjo sipas LDK-së Nagavci duke mos dhënë dorëheqje, ka shkaktuar precedent të rrezikshëm për rendin kushtetues.
Postimi i plotë:
Gjatë javës së kaluar, Lidhja Demokratike e Kosovës nëpërmjet 4 konferencave për medie, ka adresuar shqetësimet e veta mbi neglizhencën qeverisëse, mosrespektimin kushtetues, tendencat kapëse të drejtësisë e raportin shqetësues të Departamentit Amerikan te Shtetit.
Arsim – Gjykata Kushtetuese ka konstatuar se ministrja e arsimit, Arbërie Nagavci, ka shkelur Kushtetutën e Kosovës. Kanë kaluar një javë nga vendimi i Gjykatës Kushtetuese, ministrja nuk e ka ofruar dorëheqjen, duke shkaktuar kështu precedent tejet të rrezikshëm për rendin kushtetues.
Ekonomi – Në mungesë të vizionit për zhvillim ekonomik afatgjatë e investime kapitale që sjellin të mira afatgjate, Qeveria u ka shpërndarë qytetarëve lëmoshë, nga 100 euro vetëm për një muaj (prill).
Drejtësi – Qeveria pasi që ka kapur shumicën e institucioneve, ia ka mësyer atyre të pavarura. Nismat e saj legjislative dhe veprimet politike kanë një qëllim; sigurimin e kontrollit politik mbi të gjitha institucionet, edhe ato të pavarura. Kështu duke u shndërruar në një cënuese të demokracisë dhe rendit kushtetues.
DASH – Shqetësuese janë të gjeturat e raportit të Departamentit Amerikan të Shtetit për të drejtat e njeriut për vitin 2021. Kërcënim e frikësim ndaj gazetarëve e medieve, pandëshkueshmëri të korrupsionit, si dhe ndërhyrjet politike në gjyqësor. /InLajmi/
