I pari i Partisë Demokratike të Kosovës, Memli Krasniqi, ka bërë të ditur se sonte ka shtruar iftar për kryesinë e Bashkësisë Islame të Kosovës, përcjell InLajmi.
Krasniqi këtë organizim e bëri për nder të Muajit të Shenjtë të Ramazanit, duke dashur të nderoi Bashkësinë Islame të Kosovë me në krye më Tërrnavën.
Tutje Krasniqi ka uruar që ky muaj i bekuar të shtoj besimin në Zot dhe të jetë frymëzim për vepra të mira, sidomos në të mirë të shtetit, familjes e shoqërisë.
Postimi i plotë i tij:
Në shenjë respekti dhe bashkëpunimi, sot prita në iftar Myftiun Naim Tërrnava me bashkëpunëtorët e tij nga Bashkësia Islame e Kosovës.
Muaji i shenjtë i Ramazanit, në traditën tonë në Kosovë, ka shërbyer edhe si përafrim e bashkim mes njerëzve, duke u manifestuar me virtyte të larta shoqërore, si solidariteti, mirëkuptimi e humanizmi.
Besimi dhe adhurimi ndaj Zotit, posaçërisht gjatë këtij muaji, qofshin frymëzim për të gjithë, që veprat e mira për familjen, shoqërinë e shtetin, të kultivohen e shtohen edhe më shumë.
Agjërim të lehtë e të pranuar, të gjithë besimtarëve! /InLajmi/
