Turistët që dëshirojnë të shohin përgatitjen e balonave, dalin në fotografi me balona shumëngjyrësh në pozicionin e quajtur Kocaçukur.
Turet që filluan në vitin 2012 me një balonë me qëllim për të parë nga lart Pamukkalen dhe qytetet antike përreth, pas një periudhe 10 vjeçare që ka kaluar, tashmë organizohen me 40 balona çdo ditë.
Pamukkale është një prej qendrave më kryesore turistike të Turqisë e cila ndodhet në Listën e Trashëgimisë Botërore të UNESCO-s. Ata që e vizitojnë këtë vend i bashkohen një turi impresionues me balonë që zgjat për 45 minuta mbi travetat e bardha të Pamukkales. Balonat sillen në agim në zonat e ngritjes në rajonin e travetave. Zona përreth balonave të përgatitur për fluturim mbushet me njerëz që duan të marrin pjesë në udhëtim por edhe nga ata që dëshirojnë të ndjekin fluturimin.
Turistët që dëshirojnë të shohin përgatitjen e balonave, dalin në fotografi me balona shumëngjyrësh në pozicionin e quajtur Kocaçukur.
Muhammet Kaplan, drejtoi i përgjithshëm i kompanisë së balonave në Pamukkale, tha për AA se në rajon vazhdojnë udhëtimet 19 kompani me 40 balona.
Për shkak të pandemisë përjetuam dy sezone të ulëta dhe me pakësimin e ndikimit të virusit turet kanë filluar të rigjallërohen, njoftoi Kaplan, i cili tha se:
“Mblidhemi në mëngjes rreth orës 04:30, i përgatisim balonat dhe i sjellim në fushë. Pilotët tanë përcaktojnë vendin e ngritjes dhe më pas fillojmë fryrjen e balonave. Sipas kushteve të motit dhe erës kryejmë fluturim në lartësinë rreth 800-1.000 metra mbi traveta dhe përreth qytetit antik Hierapolis”.
Pamukkale është një prej vendeve me rrënoja antike që pret më shumë vizitorë në vend, tha Kaplan i cili shtoi se turizmi i balonave i shton gjallëri rajonit.
Duke bërë të ditur se sigurojnë të ardhura të rëndësishme për ekonominë e rajonit me udhëtimet me balona, Kaplan tha: “Mysafirët e ardhur nga rajone të ndryshme të botës i mirëpresim në qiell me lindjen e diellit. Meqenëse pandemia është ulur në botë, këtë vit synojmë të presim rreth 150 mijë mysafirë në balona. Parashikojmë që viti 2022 do të kalojë mirë edhe për sektorin edhe në emër të turizmit”.
Ahn Yoonjun nga Koreja e Veriut, shpjegoi se fluturimi mbi Pamukkale me balonë është një ndjesi e mrekullueshme dhe tha se “Ishte një udhëtim shumë interesant dhe fantastik. Vij për herë të parë në Pamukkale. Fluturimi ishte shumë i bukur”.
Kım Yıso nga Koreja e Veriut tha se i pëlqejnë turet me balonë dhe tha se “Ky ishte turi im i parë me balonë. Një udhëtim i mrekullueshëm dhe mbresëlënës”, raporton Anadolu Agency.
Ndërsa Son Hyunsu i cili ka ardhur në Pamukkale me bashkëshorten Ryoo, tha se është i lumtur që vjen për herë të dytë në Pamukkale dhe që merr pjesë në udhëtimet me balonë dhe se mendon që të vijë sërish vitin e ardhshëm.
