Ministri i Brendshëm, Xhelal Sveçla, në konferencën e jashtëzakonshme për media tha se qëllimi i Serbisë në këtë moment është ta destabilizojë Kosovën dhe jo ta sulmojë, raporton InLajmi.
Sveçla ka thënë se nuk frikësohen nga çfarëdo lloj skenari nga Serbia
“Unë mendoj se qëllimi i Serbisë në këtë moment nuk është ta sulmojë Kosovës por ta destablizojë Kosovën. Po ju them se situata në Kosovë në përgjithësi është stabile falë institucioneve të sigurisë së Kosovës dhe sjelljes pro ligjit të shumicës absolute të qytetarëve të Kosovës. Grupe të caktuara të mbështetura nga kushdo nuk do të munden të rrezikojnë sigurinë e vendit tonë, këtë e kemi dëshmuar dhe do të vazhdojmë ta dëshmojmë për çdo ditë”, tha ai./InLajmi/
