Shërbimi Spitalor Klinik dhe Universitar i Kosovës ka njoftuar se në Klinikën e Kirurgjisë Vaskulare në QKUK është kryer një operacion shumë i rrallë, përcjell InLajmi.
Për herë të parë në Kosovë është operuar një paciente e moshës 65-vjeçare me aneurizëm rë Aortës Abdominale dhe me Ren Arkuata (veshka në formë të patkoit).
Kjo aneurizëm e aortës abdominale me koekzistencë me Ren Arkuata ndodh vetëm në 0.12% të rasteve në botë.
Në fund nga SHSKUK njoftojnë se pacientja është liruar për në shtëpi me gjendje stabile shëndetësore.
Postimi i plotë nga SHSKSUK:
Në Klinikën e Kirurgjisë Vaskulare, Qendra Klinike Universitare e Kosovës, është kryer një operacion i rrallë dhe i ndjeshëm- për herë të parë në Kosovë.
Kirurgët vaskularë, të asistuar nga ekipi i anesteziologëve dhe ekipi i urologëve, kanë operuar një paciente të moshës 65 vjeçare me aneurizëm të Aortës Abdominale dhe me Ren Arkuata (veshka në formë të patkoit).
Aneurizma e Aortës Abdominale me koekzistencë me Ren Arkuata është shumë e rrallë, ndodh vetëm në 0.12% të rasteve në botë.
Pas trajtimit disa ditor në Klinikën e Kirurgjisë Vaskulare, pacientja është liruar për në shtëpi me gjendje stabile shëndetësore. /InLajmi/
