Drejtori i Përgjithshëm i Policisë së Kosovës Samedin Mehmeti, në një konferencë të jashtëzakonshme për media tha se në veturat e Policisë që u sulmuan kishte edhe policë serbë, raporton InLajmi.
“Të 2 veturat e Policisë janë dëmtuar. Janë gjetur gëzhojat e armës dhe pjesë të granatës së dorës. Ky është xhami i një prej veturave. Është gjuajtur drejtpërdrejtë për të goditur policinë, por xhami ka qenë i blinduar. Kjo është pjesë e granatës së dorës, është granatë luftarake” tha ai.
Mehmeti ka thënë se janë gjetur gëzhojat e armës dhe pjesë të granatës së dorës.
“Gjatë datës 13 deri sot kishim katër sulme të organizuara në një territor i cili është i ndërlidhur dhe në vendet që janë shumë afër njëra-tjetrës dhe sulmet janë të ndërlidhura. Kjo na bën me dije që kemi të bëjmë me një grup të organizuar i cili ka për qëllim që të sulmojë dhe të pengojë punën e Policisë së Kosovës dhe me theks të posaçëm dëshirojnë të pengojnë aksionet tona të cilat kanë të bëjnë me luftën kundër kontrabandës dhe tregtive të ndryshme ilegale të cilat zhvillohen në këtë pjesë të kufirit të Kosovës”, tha ai./InLajmi/
