Kryetari i PDK-së, Memli Krasniqi ka reagur për sulmin ndaj Policisë së Kosovës në pikat kufitare me Serbinë, duke e quajtur si akt kriminal dhe të patolerueshëm, përcjell InLajmi.
Sipas tij, ky akt ka për qëllim cenimin e rendit të ligjit, në një kohë kur Kosovës i duhet stabiliteti e siguria.
Krasniqi tha se mohuesve të sovranitetit tone iu konvenon trazira dhe provokimi i paqes.
Deputeti i PDK-së i ftoi organet e rendit dhe ligjit, që sa më parë të hetojnë dhe ndriçojnë rrethanat e këtij akti kriminal dhe t’i japin përgjigjen meritore çdo përpjekjeje që cenon sovranitetin e Kosovës.
Postimi i plotë i tij:
Sulmi ndaj Policisë së Kosovës afër pikave kufitare me Serbinë, është akt kriminal dhe i pa tolerueshëm që për qëllim ka cenimin e rendit të ligjit për dobi të kriminelëve, në një kohë kur Kosovës i duhet stabiliteti e siguria, ndërsa mohuesve të sovranitetit tonë iu konvenon trazira dhe provokimi i paqes. Që të 2 këto qëllime, janë e do mbesin të paarritshme kundër shoqërisë tonë multietnike e shtetit tonë sovran dhe të pavarur.
I ftojmë organet e rendit dhe ligjit që sa më parë të hetojnë dhe ndriçojnë rrethanat e këtij akti kriminal, si dhe t’i japin përgjigje meritore çdo përpjekjeje që cenon Kosovën dhe sovranitetin e shtetit tonë. /InLajmi/
