Asociacioni i Gazetarëve të Kosovës ka dënuar sjelljen e ministrit Sveçla ndaj gazetares, e cila e pyeti për punësimin e motrës së tij në Ministrinë e Bujqësisë dhe ai hezitoi të përgjigjej, duke i quajtur pyetjet e gazetarës si “budallallëqe”, përcjell InLajmi.
Sipas tyre, sjelljen e ministrit Sveçlës e cilësojnë si joprofesionale për postin që ai mban.
Gjithashtu ata theksojnë se përgjigja e tyre ka nxitur një varg reagimesh linçuese online, që e kanë targëtuar gazetaren.
AGK-ja konsideron se gazetarët janë të lirë të pyesin çdo lloj pyetje në interes publik, pavarësisht temës qendrore të konferencës
Postimi i plotë i AGK-së:
AGK-ja dënon sjelljen e ministrit Sveçla ndaj gazetares B.H.
Ministri i Brendshëm, Xhelal Sveçla, në një konferencë shtypi sot i ka quajtur “budallallëqe” pyetjet e gazetares, B.H.
Gazetarja e ka pyetur ministrin për punësimin e motrës së tij, në Ministrinë e Bujqësisë në Qeverinë e Kosovës, në një konferencë shtypi.
Sjellja e ministrit Sveçla është joprofesionale për postin që mbanë dhe gjithashtu ka konotacione seksiste. Përgjigja e tij ka nxitur një varg reagimesh linçuese online që e kanë targetuar gazetaren.
AGK-ja konsideron se gazetarët janë të lirë të pyesin çdo lloj pyetje në interes publik, pavarësisht temës qendrore të konferencës. Për më tepër, MPB-ja sikurse ministri të tjera të qeverisë nuk kthejnë përgjigje shumicën e kohës në pyetjet e mediave. /InLajmi/
