Është duke vazhduar seanca e Kuvendit të Kosovës e ku në rend dite janë pikat e papërfunduara të seancave paraprake, raportonInLajmi.
Deputeti i Lidhjes Demokratike të Kosovësi, Driton Selmanaj, ka thënë se pushteti t’i ketë nën kontroll agjencitë e pavarura.
“Edhe grupi i LDK-së e ka shqyrtuar projektligjin që ka të bëjë me racionalizimin dhe vendosjen e vijave llogaridhënëse të Agjencive të Pavarura. Kjo praktike e tillë e ligjit për LDK është e papranueshme. Me një ligj janë ndërruar më shumë se 20 ligje. Kjo është praktikë e mbrapsht. Ministri që merret me administratë publike tani merret si me rregullua statusin e agjencive. Kjo ministri shkon e prek edhe kategorinë e policisë që është kategori kushtetuese”, ka thënë ai.
Më tej, Selmanaj ka folur Kuvendi do të duhej që të vazhdojë më tutje llogaridhënien ta ketë në mbikëqyrje
“Ja ndërron formën e llogaridhënies. Kuvendi do të duhej që të vazhdojë më tutje llogaridhënien ta ketë në mbikëqyrje. Kjo praktikë jo që është e mrapsht por nuk ka kuptim. Të gjithë jemi të kujdesshëm për të racionalizuar agjenci të pavarur. Kemi agjenci që janë të tepërta edhe për nga numri. Nuk i jep të drejtë një ministri që institucionet m’u rregullu dhe statusi i tyre m’u ndryshu”, tha Selmanaj./InLajmi/
