Kryetari i Preshevës, Shqiprim Arifi, ka treguar se pse nuk i është përgjigjur ftesës për takim me liderët e Luginës së Preshevës nga kryeministri i Kosovës, Albin Kurti. Arifi thotë se takimi ishte organizuar që të shpëtojë Sinanin nga shkarkimi dhe nuk kishte për qëllim interesin e qytetarëve të Preshevës.
“Pikë së pari, takimet të cilat thirren të njëpasnjëshme pa kurrfarë agjende dhe qartësie dhe pa përgatitje të saj të cilat janë thirrur në këtë rast të dielën në ora 5 për nesër në ora 8 nuk janë takime për të unifikuar liderët shqiptarë. Unë të tregoj çfarë ka ndodhur në takim. Nuk ishte takim për të zgjidhur problemet e Preshevës. Albin Kurti nuk ka qenë në dijeni për atë se çfarë po ndodh në Luginën e Preshevës”, tha ai.
“Ja kam komunikuar kur më ka thirrur.”, shtoi ai.
Ai tutje edhe hodhi gishtin nga ministri i Infrastrukturës, Liburn Aliu, për të cilin thotë se ka respekt mirëpo pretendon se është subjektiv për zhvillimet në Preshevë për shkak se është fqinj i Ardita Sinanit, shkruan Gazeta Express.
“Takimi është iniciuar nga Liburn Aliu, i cili ka prejardhje prej Preshevës. Është organizuar në këtë kontekst. Është organizuar për t’ia ndihmuar në një moment të caktuar pasi ishte me rëndësi të vecantë për Arditën dita e mocionit të mosbesimit. Ishte organizuar në këtë kontekst. Nuk ishte takim që po i ulim kryetarët e Luginës së Preshevws. Pasi me një shkarkim të kryetarit nuk ndërrojnë politikat tek ne. Edhe unë jam shkarkuar para disa viteve dhe asnjë reagim. Arditën e ka komshi atje ku jeton në Preshevë. Ka qenë subjektive qasja e tij kundrejt neve dhe qasjes për ta shkarkuar Arditën. Mund ta interpretoj bile ndryshe, po i ndan pjesët që duhet të jenë bashkë. Liburni ka qenë mik i imi prej nga starti. Vjen prej një familje të respektuar në Luginë. Edhe bile një emër që ka qenë në gjuhën sllave e kam emëruar sipas një familjari të tij, Ali Aliu, e kam bërë nga respekti që kam për familjen e tij. Unë jam i çuditur qysh është bërë pjesë e lojës së kësaj partie”, shtoi ai.
