Real Madrid është kualifikuar mbrëmjen e djeshme në gjysmëfinalet e Champions League duke eliminuar Chelsean pas 2 ndeshjeve spektakolare.
Një kualifikim mes drithërimash që u vendos në kohët shtesë, por që gjithsesi sheh skuadrën e Ançelotit të kalojë përsëri mes 4 më të mirëve të turneut ku ka vendosur një sërë rekordesh.
Në fakt, kualifikimi i djeshëm thellon një të tillë, pasi kjo ishte hera e 31-të kur ekipi madrilen kalonte mes 4 më të mirëve të turneut që në krijimin e tij, transmeton Reporteri.
Një shifër e jashtëzakonshme të cilës nuk i afrohet asnjë skuadër tjetër, pasi rezulton se ndjekësit më të afërt me më shumë kualifikime në gjysmëfinale kanë 11 më pak se Reali.
