Mbajtja e kafshëve shtëpiake lidhet me stresin më të ulët dhe presionin e gjakut dhe kontribuon në ruajtjen e një kujtese të mprehtë, sipas një studimi të ri.
“Studimet e mëparshme kanë sugjeruar se lidhja njeri-kafshë mund të ketë përfitime shëndetësore si ulja e presionit të gjakut dhe stresi,” tha udhëheqësja e studimit Dr. Tiffany Braley.
“Rezultatet tona sugjerojnë se pronësia e kafshëve shtëpiake mund të jetë gjithashtu mbrojtëse kundër humbjes së kujtesës.”
Studiuesit nga Qendra Mjekësore e Universitetit të Miçiganit testuan më shumë se 1.300 njerëz që ishin mesatarisht 65 vjeç. Ndërsa 53% e tyre tashmë kishin kafshë, një e 3 e grupit të mostrës kishte në pronësi kafshët e tyre të çmuara për më shumë se 5 vjet.
Më pas pjesëmarrësit duhej të kujtonin një listë prej 10 fjalësh menjëherë pasi i dëgjuan, pastaj përsëri pas 5 minutash. Ata gjithashtu numëruan mbrapsht nga 20, dhe më pas nga 100 duke zbritur shtatë nga secili numër, sipas Living Shqip.
Në fund të studimit, studiuesit zbuluan se, pas 6 vjetësh, pronarët afatgjatë të kafshëve shtëpiake shënuan mesatarisht më shumë rezultate sesa ata pa kafshë shtëpiake. Provat e mëparshme shkencore kanë treguar se stresi çon në një rënie njohëse, por kafshët shtëpiake mund ta zvogëlojnë atë stres.
