Kryeministri i Kosovës, Albin Kurti, derisa thënë se për herë të parë do t’i ndajnë ka 100 euro për secilin punëtorë të sektorit publik dhe privat, raporton InLajmi.
Në prezantimin e masave të reja në kuadër të pakos së ringjalljes ekonomike, shefi i ekzekutivit ka thënë se shtesa prej 100 eurove do të marrin edhe të gjithë pensionistët në Kosovë.
“Pensionin bazik e rritëm për 11% ndërsa 33% për personat me aftësi fizike. Asistencën sociale e kemi rritur për 30%. Gjithashtu për shtresat e cenueshme ndamë mbi 10 mijë kuponë dhe shujta përmes kuzhinave qendrore. Për asnjë qastë nuk u ndalem për të dalë në ndihmë qytetarëve dhe pikërisht atyre që kanë më shumë nevojë. Pensionistëve do ti ndajmë ka 100 euro për gjithë pensionistët. Për herë të parë do t’i ndajmë ka 100 euro për gjithë punëtorët e sektorit publik dhe privat”, tha Kurti.
Këtë e ka bërë të ditur në një konferencë të përbashkët me ministrin e Financave, Punës dhe Transfereve, Hekuran Murati.
