Partia Demokratike e Kosovës, ka mbajtur një konferencë për medie, raporton InLajmi.
Sekretari i Partisë Demokratike të Kosovës, Berndard Nikaj e ka cilësuar Qeverinë e Kosovës si të paaftë që nuk kanë as vizion e as strategji për zhvillim, e që me shumen prej 100 eurosh që ndanë për disa kategori të qytetarëve Nikaj e cilëson si lëmoshë.
Ai këtë veprim të Kurtit e quan “Populizëm”, pasi po tenton të mashtrojë qytetarët me një shumë prej 100 eurosh.
Krejt çfarë po bën Kryeministri Albin Kurti sot, është ajo që ai di ta bëjë më së miri, e që është populizmi. Pasi ua rriti çmimin e energjisë elektrike me mbi 100% qytetarëve të Kosovës dhe pasi nuk po arrinë të kontrolloj rritjen enorme të çmimeve të çdo produkti elementar të shportës familjare, qeveria e nisi sot ditën me një tentim për të mashtruar sërish qytetarët e Kosovës përmes një lëmoshe as më shumë dhe as më pak se në vlerën 100 euro.”, tha ai.
Nikaj thotë se qytetarët nuk mund të përballojnë rritjen e çmimeve me lëmoshë sepse nuk janë veprime afatgjate, pasi qytetarët janë këtu edhe gjatë muajve të tjerë dhe çmimet do të vazhdojnë të rriten.
“Në këtë kohë krize, qytetarët kanë nevojë për dorën e shtetit dhe çdo ndihmë është e mirëseardhur, por fatkeqësisht nuk mund ta përballojnë krizën e çmimeve me lëmosha qeveritare. Kjo qeveri, që karakteristikë kryesore ka paaftësinë, nuk ka as planfikim, as vision, as streategji dhe nuk ofron zhvillim. Të gjitha këto mundohet që t’i kompensojë përmes vendimeve te momentit e qe me shume ngjajne në lëmoshë sesa ne veprime te menduara e afatgjate qe adresojnë nevojat e qytetarëve. Qytetarët e Kosovës do të jenë këtu edhe muajt tjerë, pas prillit, dhe çmimet enorme që u rritën gjate muajve te fundit do të vazhdojnë të mbesin të larta.”, shtoi Nikaj.
PDK thekson se zgjidhja më e mirë për të gjithë qytetarët e Kosovës pa dallim është miratimi i ligjit të pagave dhe rritja e pagës minimale.
“Sot që po flasim jemi në mes të muajit të katërt të këtij viti dhe kjo qeveri ende nuk e ka nisur asnjë projekt të zhvillimit ekonomik apo ndonjë investim kapital. Ky vendim i kryeministrit populist e ka një qëllim të vetëm, të përpiqet të ndalojë pakënaqësitë e mëdha qytetare që janë akumuluar muajt e fundit nga mospuna e Qeverisë. Por, qytetarët e Kosovës tanimë e kanë kuptuar populizmin dhe nuk bien më në kurthin e tij i cili po e dëshmon çdo ditë se nuk di të qeverisë dhe nuk ka vision për zhvillim ekonomik të vendit.”, tha ai. /InLajmi/
