Presidentja e vendit, Vjosa Osmani-Sadriu ka mbajtur takimin inaugurues të Këshillit për Demokraci dhe të Drejtat të Njeriut, raporton InLajmi.
Osmani tha se Kosova që nga 9 dhjetori i vitit të kaluar u rreshtua me vendet e ftuara nga presidenti amerikan, Joe Biden për të qenë pjesë e samitit të demokracisë dhe tani ajo është shembull i një demokracie të mirëfilltë.
Me 9 dhjetor të vitit të kaluar Kosova u reshtua nga vendet e ftuara nga presidenti amerikan, Joe Biden për të qenë pjesë e samitit për demokraci. Kosova është një shembull i një demokracie të mirëfilltë dhe që punon në përmirësimin e demokracisë por edhe duke u fuqizuar edhe më shumë si një partnere në rrafshin rajonal dhe atë ndërkombëtar”, tha Osmani.
Osmani theksoi rëndësinë e demokracisë, duke e marrë si shembull ngjarjet në Evropë e botë, ajo tha se demokracia duhet të avancohet dhe të mbrohet.
“Aq sa ka rëndësi rrugëtimi ynë po kaq është i rëndësishëm rrugëtimi i mëtutjeshëm. Ngjarjet në Evropë e Botë na dëshmojnë se demokracia kurrë nuk është një projekt i përfunduar, përkundrazi demokracia duhet të avancohet e të mbrohet”, tha tutje e para e shtetit.
Presidentja e vendit tha se që nga themelimi i këshillit për demokraci janë angazhuar në përmbushjen e zotimeve.
“Në fund të muajit të kaluar me dekret kam themeluar këshillin për demokraci dhe të drejtat e njeriut që është një nga zotimet, është edhe garanca jonë në drejtim të përmbushjes së zotimeve me aleatët tanë në veçanti me SHBA-të. Shtylla e parë sundimi i ligjit, avancimi i të drejtave të njeriut, në fokus në të drejtat e grave dhe barazisë gjinore”
Tutje Osmani tha se çdo ditë duhet të jemi në shërbim të demokracive dhe secili prej nesh do të kontribuojmë në përmbushjen e zotimeve. Gjithashtu u shpreh e kënaqur me rezultatet e mira e përmbajtësore të këshillit gjatë 3-mujorit të parë.
“Çdo ditë në shërbim të demokracisë secili prej nesh kemi në dispozicion për të kontribuar në përmbushjen e zotimeve. Jam e lumtur që prej takimit të parë të këshillit, rezultatet e mira e përmbajtjesore të këtij këshilli që nga 3-mujorit të parë. Puna e Këshillit fillon sot”, tha tutje ajo. /InLajmi/
