Deputetja e Partisë Demokratike të Kosovës (PDK), Ariana Musliu-Shoshi, në seancën ku po diskutohet për politikën e jashtme ka thënë se në çdo paraqitje në forume Kosova është portretizuar si vend i krimit dhe korrupsionit nga vetë institucionet e saj, raporton InLajmi.
Ajo ka thënë se në Ministrin e Jashtme ka shkelje ligjore.
“Ashtu siç propozoi edhe profesor Hoxhaj. Në këtë ministri ka shkelje ligjore. Ka mungesë konsistence. Në qeverinë Kurti kemi përjetuar degradim në politikën e jashtme. Pra në çdo paraqitje në forume Kosova është portretizuar si vend i krimit dhe korrupsionit nga vetë institucionet e saj”, tha ajo.
Më tej, ajo shtoi se në këto 14 vjet shtet përfaqësuesit e Kosovës kanë shkëmbyer vizita dhe kemi arritur 117 njohje.
“Pra kemi një përfaqësim që nuk përfaqëson as parime as iniciativa. Kemi politikë të jashtme me korrespodencë. Deri me tani kemi parë shkarkime duke u thyer çdo parim ligjor. Nga presidentja jonë kemi vizitë me komuna dhe ministre që nuk arrin të mësojë rolin e saj”, tha ajo./InLajmi/
