Drejtori i KDI-së, Ismet Kryeziu ka komentuar deklaratën e kryeministrit Albin Kurti, i cili tha se për punëtorët e sektorit privat dhe publik do t’u ndahen nga 100 euro, përcjell InLajmi.
E Kryeziu u shpreh se ky është një diskriminim për personat që janë të papunësuar.
Sipas tij, këta persona po diskriminohen 2 herë, e para sepse ata nuk kanë ndonjë lidhje familjare për t’u punësuar dhe e 2-ta ata nuk përfitojnë asgjë nga ndihmat ekonomike shtese ngaqë janë të papunë.
Postimi i plotë i tij:
Nëse punonjësve në institucionet publike apo private do t’u jepet një ndihmë ekonomike shtesë prej 100 euro?! Çfarë ndodh me kategorinë e atyre që nuk janë në punë?
Nuk besoj se janë numër i vogël i tyre? Atyre po ju bie 2 herë të diskriminohen, një herë që s’kanë ndonjë lidhje familjare për t’u punësuar dhe herën e 2-të kur nuk përfitojnë asgjë nga ndihmat ekonomike shtesë, ngase janë të papunë. /InLajmi/
