Kryetari i PDK-së, Memli Krasniqi gjatë mbledhjes së Kuvendit të Kosovës ka kritikuar Qeverinë e Kosovës për moszhvillimin e politikës së Jashtme, duke thënë se Kosova nuk ka fare politikë të tillë, raporton InLajmi.
Sipas Krasniqit, Kosova ka abstenuar në këtë drejtim, gjithashtu ai thekson se shkarkimi i paanalizuar i ambasadorëve të Kosovës në qendrat botërore ka prodhuar jo vetëm vakum të pranisë së Kosovës në këto qendra por ka shkundur besimin e shteteve në Kosovë.
“Kushdo që e sheh drejt e kupton se sot po zhvillohet një momentum i ri gjeopolitik ku politika e jashtme e shteteve po merr rëndësi njëjtë si politika e brendshme. Kosova s’ka politikë të jashtme dhe ka abstenuar në këtë drejtim. Që nga rrafshi i përfaqësimit diplomatik e deri te reduktimi i politikës së jashtme në turizëm diplomatik pa relevancë. Shkarkimi i paanalizuar i ambasadorëve të Kosovës në qendrat botërore ka prodhuar jo vetëm vakum të pranisë së Kosovës në këto qendra por ka shkundur besimin e shteteve në Kosovë.
Krasniqi kritikat nuk i kursen as për ministren e Jashtme, Donika Gërvallën, të cilën e quan të pakompetentë, të papërvojë, që ka prodhuar vetëm skandale humoristike, e që sipas tij këto janë bërë edhe “meme” të popullarizuara.
Debatin për politikën e jashtme nuk e kemi ftuar vetëm për skandalet e ministres Gërvalla por për pezullimin që qeveria i ka bërë politikës së jashtme. Ministrja Gërvalla është jokompetente edhe pa përvovjë që ka prodhuar skandale humoristike, fatkeqësisht këto memes janë më të popullarizuara se serialet vendore të cilat po përdoren nga Serbia, madje kjo satirë është bërë sindrom i qeverisë Kurti”, /InLajmi/
