Kreu i AAK-së, Ramush Haradinaj ka mbajtur një konferencë për media, ku edhe ka komentuar vendimin e fundit të Qeverisë së Kosovës për ndarjen nga 100 euro për qytetarët e Kosovës, raporton InLajmi.
Haradinaj nuk e sheh si zgjidhje vendimin e Kurtit, pasi ai thotë se qytetarët tani kanë nevojë edhe për një euro, mirëpo kjo masë sipas tij vlen vetën për një muaj.
Gjithashtu edhe shumën prej 100 eurosh e sheh shumë të vogël dhe joadekuate për zgjidhjen e kirzës financiare.
Me këtë vendim ai thotë se Kurti po mundohet të fshehë dështimet e tij për rritjen ekonomike si dhe për rritjen e pagave.
Qeveria duhet të veprojë si qeveri e shtetit. Qytetarët kanë nevojë edhe për 1 euro, por nuk zgjidhet asnjë problem me masat që zgjasin vetëm 1 muaj. Është shumë e vogël shuma prej 100 euro që Albin Kurti të fshihet pas paaftësisë së tij për të rishikuar buxhetin që do të mundësonte zgjidhje të krizës financiare qytetare. Kjo shumë është e vogël që Kurti ta fsheh dështimin e tij për rritjen ekonomike dhe rritjen e pagave për të gjithë”.
Haradinaj propozon që paga paga minimale për qytetarët të jetë 370 euro për qytetarët gjithashtu thekson se urgjentisht duhet të kalojë ligji i pagave.
“Të punësuarit në Kosovë kanë nevojë për paga të dinjitetshme dhe të përhershme dhe qeveria e vendit duhet që urgjentisht t’i rris pagat për të gjitha kategoritë. Ne propozojmë që paga minimale të jetë 370 euro, pagat s’kanë lëviz, s’ka rritje të pagave me vite. Qeveria duhet që urgjentisht ta kalojë ligjin e pagave me rritje prej 33 për qind të pagave për të gjitha skemat pensionale”.
Tutje kreu i AAK-tha tha se duhet të kalojë ligji për tërheqjen e Trustit dhe duhet t’u kthehen të paktën 15% paratë e qytetarëve për faturat e fryra të rrymës.
“Qysh sot të kalojë ligji për tërheqjen e trustit, të paktën 15 për qind dhe menjëherë pa vonesë me ua kthy paratë qytetarëve për faturat e fryra të rrymës”, tha Haradinaj. /InLajmi/
