Kreu i AAK-së, Ramush Haradinaj gjatë seancës së Kuvendit ka thënë se në kohën kur Lëvizja Vetëvendosje ka qenë në opozitë i ka menduar si fajtorë UÇK-në, e sidomos komandantët e saj që po e udhëhiqnin vendin, raporton InLajmi.
Në raste të caktuara Haradinaj thotë se VV ka menduar se ka faj edhe Amerika që po i mban komandantët në pushtet.
Ai tha se edhe sot e kësaj dite po luftohet UÇK-ja dhe po vazhdon qëndrimi kundër Amerikës.
Vlera e jashtme është NATO e prirë nga Amerika. Kushdo që udhëheqë me Kosovën s’guxon me dalë prej themeleve të veta. Në kohën sa VV ka qenë në opozitë i ka mendu si fajtorë të gjithë të tjerë dhe ia ka lënë fajin UÇK-së se komandantët po e udhëheqin vendin. Në raste të caktume, kanë mendu se ka faj edhe Ibrahim Rugova, e se Amerika ka faj se po i mban në pushtet komandantët. Për fat të keq, sot e kësaj dite, 3 vlera janë të rrënuara, luftohet UÇK-ja, kanë mbet peng i asaj kohe, po vazhdohet me qenë kundër Amerikës, si ndodh me qenë kundër Amerikës, është tu i harxhu qeveria Kurti kreditat e atyre që s’janë më në jetë”, tha Haradinaj.
Haradinaj tha se po synohet që projektet e Amerikës të mos zbatohen edhe kur po na ofrohet mundësia.
“Projekti i gazsjellësit rezulton me dobësinë e Amerikës për ta hequr gazin rus nga Serbia. 2 faktorë nuk kanë pushtet ekzekutiv në vend, UÇK-ja dhe Amerika, bëhet çmos në mënyrë konsistene që të mos ndodhin projektet që i synon Amerika deri te marrëveshjet bilaterale.Ju mundeni me kujtu se ua kemi inati, na ua kemi inati deri në at masë sa mos me pësu Kosovës, por i gëzohemi ende qeverisë tonë kur fiton. Ju kemi gëzu moslejimit të referendumit serb, ju kemi gëzu fondit të sigurisë”, tha ai /InLajmi/
