Sot janë bërë 14-vjet nga miratimi i Kushtetutës së Republikës së Kosovës, përcjell InLajmi.
Ministrja e Drejtësisë, Albulena Haxhiu, përmes një postimi në Facebook ka kujtuar Ditën e Kushtetutës së Republikës së Kosovës.
Haxhiu ka thënë se Kushtetuta e Republikës së Kosovës paraqet aktin më të lartë në hierarkinë normative të rendit juridik të Republikës së Kosovës.
Ajo më tej, shtoi se Kushtetutën duhet mbrojtur, forcuar dhe respektuar, meqë nga aty mbrohet Republika.
“Nga Kushtetuta burojnë të drejtat dhe liritë themelore të të gjithë qytetarëve të vendit dhe ne do të angazhohemi që ato të drejta të jetësohen të gjitha”, ka shkruar ajo.
Postimi i saj i plotë i saj:
Sot shënojmë 14 Vjetorin e Kushtetutës
Me rëndësinë e tillë që ka, përherë e dëshirojmë që ajo të jetë e plotë, në frymën e saj demokratike; e pa imponuar, në frymën e vetëvendosjes së popullit; e zbatueshme, në frymën e qytetarisë së lirë e të barabartë.
Kushtetuta e Republikës së Kosovës paraqet aktin më të lartë në hierarkinë normative të rendit juridik të Republikës së Kosovës, njëkohësisht qëndron në thelbin e Republikës, e të cilës ka për detyrë t’i shërbejë.
Mbetet ta mbrojmë e ta avancojmë, ta forcojmë e ta respektojmë Kushtetutën sepse nga aty mbrohet dhe garantohet Republika.
Nga Kushtetuta burojnë të drejtat dhe liritë themelore të të gjithë qytetarëve të vendit dhe ne do të angazhohemi që ato të drejta të jetësohen të gjitha.
Urime qytetarëve të Republikës, dita e Kushtetutës! /InLajmi/
