SBASHK-u ka mbajtur një protestë në shenjë pakënaqësise për mosplotësimin e kërkesave të tyre, raporton InLajmi.
E kryetari i Sindikatës së Re të KEK-ut, Nexhat Llumnica në protestën e mbajtur tha se që 14 vite shtet nuk ka ligj për paga, pra që 14 vjet nuk respektohet ligji i punës.
Ai shprehu vendosmërinë që ky ligj të miratohet tani.
Në fund paraljmëroi kryeministrin e vendit, Albin Kurtin që nëse nuk orientohet kah punëtorët nuk do të jetë më në parlament.
“Deri sot i kemi ruajt këto institucione. Sikurse sot që po na ruan policia e Kosovës pa sigurim shëndetësor. Që 14 vite shtet pa sigurim shëndetësor. Që 14 vite shtet nuk respektohet ligji i punës. Që 14 vite shtet nuk ka ligj për paga. Prandaj duhet domosdoshmërish që sot o kurrë t’i kemi. Hidhni sytë kah punëtorët, kryeministër, se nëse nuk orientoheni kah punëtorët atëherë më nuk do të jeni në Parlament”, tha Llumnica. /InLajmi/
