Ish-kryetari i Kamenicës, Qëndron Kastrati, e ka kërkuar edhe njëherë dorëheqjen e ministres së Arsimit, Arbërie Nagavcit.
Gjykata Kushtetuese gjeti se ministrja ka bërë shkelje kushtetuese me vendimin e 23 prillit të vitit të kaluar për organizim të mësimit alternativ të përshpejtuar dhe përcaktim të organizimit të mësimit në objektet shkollore të Kamenicës duke i hedhur poshtë reformat e Kastratit.
“E para, Gjykata Kushtetuese sot e ka konfirmuar që ndërhyrja e ministres Arbërie Nagavci ka qenë kundër kushtetuese, ka qenë krejt motiv politik elektoral, domethënë për me ndiku në vota në zgjedhjet locale”, ka thënë Kastrati.
“Ministrja ka qenë e njoftume paraprakisht që kjo nuk është në mandatin e saj, por gjithashtu për mua këtë e vërteton edhe ajo që kryetari aktual i ka kërkuar gjykatës mos me e trajtu. Dhe ti, nëse I kërkon mos me e trajtu një çështje, e di paraprakisht që nuk ke pasë të drejtë ose që vendimi ka me qenë kundër teje”.
“Ministrja ka bërë shkelje kushtetuese, ka ndërhyrë në kompetencat e një komune për me e dëmtu një individ”.
Kastrati edhe njëherë e kërkoi dorëheqjen e Nagavcit, duke e shprehur frikën se ky rast i ndërhyrjes jokushtetuese mund të krijojë predecent.
“E 2-ta, mendoj që është shumë me rëndësi që me e përdor këtë rast. Është rasti i parë ku trajtohet niveli qendror me nivelin lokal –se kush çfarë kompetencash ka. Edhe mundet me qenë një precedent që mos me vazhdu ma ministrat si rasti i ministres Nagacvi ku tenton me e luftu edhe me dëmtu dikon si në rastin e Kamenicës, e çka është më e keqja, kundër reformës”.
“Duhet edhe vetë zonja Nagavci me dhanë dorëheqje. Ma e pakta që mundet me e ba osht me dhanë dorëheqje sepse e përbën një precedent të rrezikshëm, ku ti me vetëdije e shkel kushtetutën që me përfitu vet. Por në fund, kurrkush nuk jep llogari, nuk jep përgjigje morale”.
“Duhet të tjerë me u angazhu që mos me e leju një precendent të tillë”, tha ai në Klan Kosova.
“Po flasim, çka mundet m ndodhë në të ardhmen. Çka mundet me bo një ministre në të ardhmen, çka mundet të bëjë një ministror i Brendshëm, një ministër i Infrastrukturës”.
