Beteja për Donbasin është duke u zhvilluar dhe nuk ka arritur shkallën e saj maksimale, tha të enjten Ministri i Jashtëm ukrainas Dmytro Kuleba, transmeton InLajmi.
“Çdo ditë, luftimet më të ashpra zhvillohen në atë pjesë të Ukrainës dhe më shumë do të vijnë, për fat të keq”, tha Kuleba në një konferencë për shtyp në Bruksel.
“Beteja për Donbasin do t’ju kujtojë Luftën e Dytë Botërore, me operacione të mëdha, manovra, përfshirje të mijëra tankeve, mjeteve të blinduara, avionëve, artilerisë. Ky nuk do të jetë një operacion lokal i bazuar në atë që shohim në përgatitjet e Rusisë”, tha ai, shkruan CNN.
“Rusia ka planin e saj, ne kemi tonën dhe fusha e betejës do të vendosë rezultatin,” tha Kuleba. /InLajmi/
