Sekretarja e Jashtme e Mbretërisë së Bashkuar, Liz Truss ka thënë se “epoka e angazhimit për të arritur diçka me Rusinë ka përfunduar”, transmeton InLajmi.
Truss tha se nuk ka kohë për “ngushëllim të rremë” pasi Rusia nuk po tërhiqet duke i larguar trupat nga kryeqyteti Kiev.
Në vend të kësaj, Moska po rigrupohet dhe ripozicionohet për të shtyrë më fort në lindje dhe jug të Ukrainës.
Ajo tha se është koha që NATO të ashpërsojë reagimin e saj dhe të ndërmarrë veprime strategjike.
“Ne kemi nevojë për një qasje të re për sigurinë në Evropë të bazuar në qëndrueshmëri, mbrojtje dhe parandalim”, shkruan BBC.
Truss beson se Akti Themelues Nato-Rusi, i nënshkruar në 1997 dhe i konsideruar si një udhërrëfyes për bashkëpunimin e ardhshëm “ka vdekur”, nuk do të ekzistojë më. /InLajmi/
