Ish-kryeministri i Kosovës, Avdullah Hoti, ka bërë të ditur se gjatë ditës së sotme është takuar me ambasadorin e Shteteve të Bashkuara të Amerikës, Jeff Hovenier, përcjell InLajmi.
Hoti tha se takimi dhe biseda mes tij dhe Hovenierit ishte krejt miqësore, por nuk kaloi pa e përmendur faktin që shteti i Kosovës gjithmonë ka pasur prapa vetën SHBA-të.
Deputeti nga radhët e LDK-së përmendi hapjen e Zyrës Amerikane në Prishtinë më 1996, ku sipas tij që nga ajo kohë interesimi i SHBA-ve për Kosovën nuk ka munguar kurrë.
Postimi i plotë i tij:
Takim dhe bisedë shumë miqësore në Ambasadën Amerikane në Prishtinë me Ambasadorin Hovenier.
Kosova është e bekuar me miqësinë që ka me SHBA-në. Kosova, me të drejtë, gjithmonë është mbështetur në miqësinë e saj me SHBA-të, që nga hapja e Zyrës Amerikane në Prishtinë më 1996.
Zoti e bekoftë miqësinë e Kosovës dhe Shtetet e Bashkuara të Amerikës /InLajmi/
