Projektligji për Ekzekutimin e Sanksioneve Penale, ai për Shërbimin Korrektues të Kosovës dhe Projektligji për Shërbimin Sprovues të Kosovës, arriti të miratohet sot në parim në Komisionin për Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit, raporton InLajmi.
Lidhur me këtë Projektligjin për Ekzekutimin e Sanksioneve Penale, ministrja e Drejtësisë, Albulena Haxhiu, ka hapur si çështje diskutimi lirimin me kusht, pushimin vjetor por edhe disa çështje të tjera të cila poashtu janë të përfshira në projektligj.
“Në vitin 2020 është nisur kjo reformë. Në mbledhjen e datës 23 shkurt 2022 ne kemi miratuar projektligjin e sanksioneve penale dhe ky i hap rrugë procedimit në kuvend. Çështjet që janë më kryesoret dhe kemi pasur debate të vazhdueshme janë: Çështja e panelit për lirim me kusht ka marr më së shumti kohë. Ka jashtëzakonisht shumë ankesa se a trajtohen kërkesat me lirim me kusht nga ky panel. Kemi konsideruar që vendimet e këtij paneli të jenë objekt i ankimimit”, tha Haxhiu.
Haxhiu u shpreh e lumtur që nuk ka marrë për bazë mendimet e askujt tjetër, dhe kanë vendosur që pushimi i të burgosurve të shkoj nga 7 sa i takonin ne 7 tjera për rrethana të jashtëzakonshme, dhe janë shtuar plus 7 të tjera që tani janë gjithsej 21.
“Ka pas diskutime që në këtë panel të jetë i përfshirë dikush nga Ministria e Drejtësisë mirëpo kompetente për këtë është vetëm gjykata. Një prej çështjeve të tjera është ajo e pushimit vjetor për të burgosurit. Ata kanë 7 dit pushim dhe 7 ditë në rrethana të jashtëzakonshme. Ne i kemi shtuar edhe 7 te tjera që janë gjithsej 21 ditë. Tjetra është përshkallëzimi i lirimit të parakohshëm”, tha ajo.
Ndërsa tutje, ministrja ka thënë se është po parashikohet pezullimi i dënimit për të burgosurit që kanë sëmundje të pashërueshme, krejt kjo me qëllim që i burgosuri kohën e mbetur të jetës ta kaloi pranë familjes se tij/saj, por kjo nuk e përjashton vuajtjen e dënimit sepse dënimi do kryhet nga shtëpia apo spitali.
“Është paraparë pezullimi i dënimit për çështjet e të burgosurit me sëmundje të pashërueshme. Bazuar në vendimin mjekësor mund të vazhdoj në shtëpi ose spital deri sa të shërohet. Po ashtu mund të qëndroj në familje nëse i ka ditët e fundit të jetës. Çështje tjetër është edhe pakoja e ushqimit. Kam qenë e mendimit që pakoja e ushqimit të përfshihet në projektligj. Mirëpo grupi punues ka pas mendime të ndryshme. Për këtë nuk është përfshirë pakoja e ushqimit. Arsyeja pse është hequr është për shkak të kontrabandës. Mendoj që kontrabanda nuk është hequr edhe pse është hequr pakoja”, tha ajo. /InLajmi/
