Kryetari i Prizrenit, Shaqir Totaj ka njoftuar se është mbajtur sot Kuvendi i Përgjithshëm i Asociacionit të Komunave të Kosovës, ku edhe është zgjedhur bordi dhe kryetari i ri për mandatin 4-vjeçar, përcjell InLajmi.
Totaj njoftoi se kryetar i këtij bordi është zgjedhur Agim Veliu, i cili është edhe kryetar i komunës së Ferizajit.
Ndërsa vetë Totaj, është zgjedhur anëtar i bordit të AAK-së së bashku me Bali Muharremaj, Xhafer Gashin, Sokol Halitin dhe Dragan Petkoviç.
Në fund, Totaj u zotua se ai dhe pjesëtarët e AAK-së do të angazhohen me të gjitha kapacitetet e tyre, që të punojnë në përfaqësimin e dinjitetshëm të komunave të Kosovës në ngritjen e nivelit të koordinimit mes komunave për zhvillimin e përgjithshëm të vendit.
Postimi i plotë i tij:
Në Kuvendin e Përgjithshëm të Asociacionit të Komunave të Kosovës që është mbajtur sot është zgjedhur Bordi dhe Kryetari i ri për mandatin e ardhshëm katërvjeçar.
Kryetar i Bordit të AKK-së u zgjodh miku im, kryetari i Komunës së Ferizajit, Z. Agim Aliu, të cilin e uroj për mandatin e ri. Poashtu unë në cilësinë e Kryetarit të Komunës së Prizrenit u zgjodha anëtar i Bordit të AKK-së së bashku me kolegët; z.Bali Muharremaj – Kryetar i Komunës së Suharekës, z.Xhafer Gashi – Kryetar i Komunës së Obiliqit, z.Sokol Haliti – Kryetar i Komunës së Vitisë dhe z.Dragan Petkovic – Kryetar i Komunës së Parteshit.
Ne si Bord i AKK-së u zotuam se do të angazhohemi me të gjitha kapacitetet tona që të punojmë në përfaqësimin e dinjitetshëm të Komunave të Kosovës dhe të punojmë në ngritjen e nivelit të koordinimin mes komunave për zhvillimin e përgjithshëm të vendit. /InLajmi/
