Ambasadori gjerman në Kosovë, Jorn Rohde, së bashku me ambasadoren e Francës në Kosovë, Marie Christine – Butel, e kanë vizituar pikën kufitare në Merdare, përcjell InLajmi.
Vizita e tyre ka ardhur për shkak të mbajtjes se zgjedhjeve në Serbi, gjegjësisht kalimit përmes pikave kufitare të shumë serbëve që jetojnë në Kosovë .
Përmes një postimi në Twitter, Rohde ka deklaruar se nga vizita në Merdare ka vërejtur bashkëpunim të mirë mes autoriteteve të Kosovës dhe të Serbisë.
“Kemi vërejtur bashkëpunim të mirë: 4 korsi funksionale në të 2 anët. Është shtuar siç është premtuar numri i stafit në pikat përkatëse kufitare për të mundësuar kalime të qetë kufitare në mënyrë që votuesit me të drejtë të votojnë”, ka shkruar ai./InLajmi/
