Shefja e Grupit Parlamentarë të LVV, Mimoza Kusari –Lila, këtë të diele ka qëndruar në Kralan, për të kujtuar 8 dëshmorët e këtij fshati, përcjell InLajmi.
Të rënët në këtë fshat, tha Kusari –Lila, u vranë derisa ishin duke e mbrojtur pragun e shtëpisë.
Por, sikur mos të mjaftonte kjo, me 4 prill të vitit 1999, në këtë fshat u zhdukën 86 burra, prej tyre kishte edhe të mitur.
Por, Kusari-Lila tha se sakrifica e të rënëve dhe martirëve duhet të jetë frymëzim dhe inspirim për të punuar edhe më tej në ndërtimin e shtetit tonë.
Postimi i plotë i tij:
Sot përkujtuam 8 Dëshmorët fshatit Kralan, në ditën e dëshmorëve të këtij fshati, fortesë e Dushkajës kundër forcave Serbe.
Burrat dhe djemtë, gratë dhe vajzat nga ky fshat, nga rajoni i Dushkajës dhe çdo pjesë tjetër e Gjakovës, u bënë bashkë që nga beteja në betejë ta zhvillojnë luften çlirimtare dhe të mbrojnë pragun e shtëpisë.
Një ditë pas betejes së përgjakur, me 4 Prill 1999, në Kralan u zhdukën edhe 86 burra, prej të cilëve 11 të mitur.
Sakrifica e këtyre dëshmorëve dhe martirëve duhet të jetë frymëzim dhe inspirim për punën dhe angazhimin tonë në zhvillimin dhe forcimin e Kosovës si shtet shembull për ne dhe gjeneratat që vijnë pas nesh./InLajmi/
