Profesori universitarë, Milzaim Krasniqi së fundmi i ka komentuar mbajtjen e zgjedhjeve presidenciale dhe parlamentare në Serbi, derisa ka theksuar se ky shtet nuk ka fare nevojë për zgjedhje sepse jeton në të kaluarën, dhe tërë kohën mban sytë nga Rusia, përcjell InLajmi.
Kjo pasi që sipas tij, 8 nga kandidatët për president të Serbisë, 3 janë të krahut monarchist-nzist, derisa 4 janë të bllokut të nacionalizmit ekstrem dhe vetëm një kandidate e krahut të majtë.
E 2 nga kandidatët, theksoi Kransiqi kërkojnë kthimin e monarkisë, ndërsa 4 formimin e ”botës serbe”, ku të përshihen të gjithë serbët, natyrisht duke ripushtuar territore, duke mos i pranuar krimet që janë bërë në të kaluarën, duke qenë më afër Rusisë, se sa Bashkimit Evropian.
Postimi i plotë i tij:
Serbia nuk ka nevojë për votime, ajo jeton në të kaluarën
Nga 8 kandidatë për president të Serbisë, 3 janë të krahut monarkist-nazist, 4 janë të bllokut të nacionalizmit ekstrem dhe vetëm një kandidate e krahut të majtë.
Pra, 3 kandidatë kërkojnë kthimin e monarksië, 4 formimin e ”botës serbe”, ku të përshihen të gjithë serbët, natyrisht duke ripushtuar territore, duke mos i pranuar krimet që janë bërë në të kaluarën, duke qenë më afër Rusisë, se sa Bashkimit Evropian.
Kryekandiati, Aleksander Vuçiqi, i cili mund të fitojë që në raundin e parë, angazhohet për “botën serbe”, pra nuk e njeh gjenocidin në Srebrenicë, nuk do ta njohë Kosovën, siç ka deklaruar vetë më 25 nëntor 2021, nuk bënë asnjë veprim pa u konsultuar me Putinin.
Krejt çka nuk kuptohet në tërë këtë tregim është qëndrimi ledhatues, në fakt idiotik i Bashkimit Evropian dhe i SHBA-së ndaj kësaj Serbie antievropiane, antiamerikane, kësaj Serbie putiniane
. Pse e ledhatojnë kaq shumë këtë kreaturë naziste? Pse nuk e kanë kuptuar tashmë se Serbia ndalet vetëm kur t’i thyhen hundët, siç i ndodhi nga rezistenca sllovene (1991) nga ajo kroate (1993-1995) dhe nga bombardimet e NATO-s në BeH (1995) dhe në vitin 1999 për Kosovën. Nuk ka rrugë tjetër të denacafikimit të Serbisë, përveç presioneve dhe sanksioneve.
Me këtë gjendje psikike e sociale që dominon në shoqërinë serbe, Serbia nuk ka fare nevojë për zgjedhje.
Ajo jeton në të kaluarën, ku ka pasur një vozhd që ka mbajtur tërë kohën sytë nga Rusia. Edhe tash e kanë një të tillë. Ai mbetet vozhd serb, si me zgjedhje si pa zgjedhje. Këtu nuk ka asgjë të paqartë, sepse shoqëria serbe nuk e pranon demokracinë. Absurdi është se kjo gjendje e shoqërisë serbe dhe vozhdi serb e ka edhe përkrahjen e demokracive perëndimore./InLajmi/
