Jamala, këngëtarja e njohur ukrainase e cila në vitin 2016 fitoi vendin e parë në Festivalin e këngës “Eurovision”, pak ditë pasi që ka filluar lufta në vendin e saj, me 24 shkurt së bashku me 2 fëmijët e saj është larguar nga aty, derisa tërë kohën është aktive në rrjetet sociale duke i treguar botës dëmet që po shkakton agresioni rus si në njerëz ashtu edhe dëmet materiale, përcjell InLajmi.
Së fundmi Jamala, po merr pjesë në një koncert i organizuar nga UNICEF, ku mjetet e mbledhura do t’i dhurohen Ukrainës.
E me këtë rast, Jamala në çdo performancë e intervistë për mediat e botës po i tregon me detaje të dhënat e fundit të vrasjeve në përgjithësi, të fëmijëve, e dëmeve që po i shkakton Rusia.
Ndryshe, Jamala në këngën e saj 1944 ka prekur zemrat e të gjithëve, pasi flet për pushtimin e vendit të saj, por që kjo këngë përmes komenteve të shumta është thënë se do të bëhet nga 1944 në 2022. Kjo për shkak të pushtimit që po i bëhet tash Ukrainës nga Rusia./InLajmi/
