Këtë të diele, kreu i AAK-së, Ramush Haradinaj ka kujtuar të rënët në Kralan, ku shumica ishin të moshës së re, gjegjësisht edhe të moshës së mitur, përcjell InLajmi.
Haradinaj ka thënë se muaji prill i vitit 1999 na ndau nga shumë njerëz të dashur e luftëtarë të zot, derisa ka kujtuar ndër shumë të rënët edhe Arton Mehmetaj, i 3 dëshmor nga familja Mehmetaj e Gllogjanit i cili ra heroikisht pranë bashkëluftëtarit nga Kukësi Halit Coka.
Postimi i plotë i tij:
Prilli i vitit 1999 na ndau nga shumë njerëz të dashur e luftëtarë të zot.
Sot kujtojmë të rënët në Kralan, shumica të rinj në moshë, e njëmbëdhjetë prej tyre të mitur.
Kujtojmë bashkëluftëtarin Arton Mehmetaj, i treti dëshmor nga familja Mehmetaj e Gllogjanit, që ra heroikisht përkrah bashkëluftëtarit nga Kukësi Halit Coka.
Kujtojmë bashkëluftëtarët Visar Myftari, Fehmi Shala, Kujtim Qallakaj, Ilir Hoxha, Mustafë Çeku e dhjetëra dëshmorë anekënd Kosovës.
Sakrifica e tyre na obligon të çmojmë, kultivojmë dhe ruajmë vlerat e lirisë!
Përgjithmonë në kujtesën tonë historike. Lavdi!/InLajmi/
