Zemra jonë është një organ delikat përgjegjës për pompimin e gjakut dhe oksigjenit në pjesë të ndryshme të trupit përmes sistemit të qarkullimit të gjakut. Mbajtja e shëndetshme e saj është jetike për të jetuar një jetë të gjatë dhe pa sëmundje.
Prandaj përfshirja e një diete të shëndetshme dhe ushtrimet e rregullta konsiderohen thelbësore. Përveç këtyre të dyjave janë disa aktivitete të tjera që çuditërisht kanë ndikim në shëndetin tonë të zemrës.
Ndërsa duken si aktivitete të padëmshme, në planin afatgjatë ato mund të zvogëlojnë efikasitetin e zemrës suaj, duke ju bërë më të prirur ndaj sëmundjeve të zemrës. Këtu janë gjashtë aktivitete befasuese që mund të dëmtojnë shëndetin tuaj të zemrës:
1.Qëndrimi ulur gjithë ditën
Pavarësisht nëse puna juaj kërkon që ju të uleni gjatë gjithë ditës në të njëjtin vend ose nëse ju pëlqen ta kaloni gjithë ditën shtrirë në divan, qëndrimi ulur gjatë gjithë ditës mund të dyfishojë rrezikun e problemeve të zemrës, transmeton Living.
Sipas një studimi të botuar në revistën e Shoqatës Amerikane të Zemrës (AHA), ata që nuk lëvizin mjaftueshëm ose priren të qëndrojnë ulur për pesë orë ose më shumë çdo ditë, kanë më shumë gjasa të zhvillojnë probleme me zemrën. Për të mbajtur zemrën të shëndetshme rekomandohet të bëni një shëtitje pesë-minutëshe çdo orë.
