Në Prishtinë janë arrestuar 4 të dyshuar, për shkak se janë përfshirë në rrahjen e një personi dhe më pas e kanë therur me thikë, përcjell InLajmi.
Viktima ka pësuar lëndime dhe i njëjtë është dërguar për tretman mjekësor në QKUK.
Pas marrjes së tretmanit mjekësor, viktima është liruar nga spitali.
Ndërsa me vendim të prokurorit, të dyshuarit janë dërguar në mbajtje.
Njoftimi i plotë nga Policia e Kosovës:
Prishtinë, 31.03.2022 – 02:40. Janë arrestuar katër të dyshuar meshkuj kosovarë pasi të njëjtit dyshohet se janë përfshirë në një rrahje me viktimën mashkull kosovar. Viktima është goditur me thikë dhe ka pësuar lëndime trupore, i njëjti është dërguar për tretman mjekësor në QKUK dhe pas marrjes së tretmanit të nevojshëm është liruar. Me vendim të prokurorit të dyshuarit janë dërguar në mbajtje. /InLajmi/
