Kryetari i Komisionit për Mbrojtje dhe Sigurisë, Bekë Berisha i ka reaguar drejtorit të Policisë së Kosovës, Samedin Mehmeti, raporton InLajmi.
E reagimi i tij ka ardhur konkretisht lidhur me pyetjet e testit për rekrutë të rinj në polic. Sipas Berishës ato pyetje nuk dinë t’i zgjedhin as deputetët.
“E potencove disa herë që pyetjet e testin kanë qenë të lehta. Unë ja u kam pru disa herë deputetëve pyetjet edhe me i pru sot këtu nuk e di a dini me i zgjedh. Ne, ju , këta ndërkombëtarët e krejt. Arbëri nuk i ka zgjedh. Jemi tu fol për rekrut. Djem e vajza që janë të rinj. Dihet se çfarë niveli të arsimimit kemi, se jemi në listë në fund dhe me i ngarku aq shumë ata, me profesorë e asi që po i shërojnë komplekset e veta”, deklaroi ai.
Një kundërpërgjigje Berishës i erdhi nga drejtori i policisë Samedin Mehmeti.
“Është me rëndësi që të kemi policë që dinë të shkruajnë shqip dhe që dinë matematik që duhet. Nëse dikush nuk e dinë gjuhën shqipe është pak problem na me e mësu me trajnime. Nëse dikush në matematikë nuk dinë me mbledh, zbrit e shumëzua, vërtetë është problem për shkak se ne nuk kemi kapacitet ta mësojmë dikë drejtshkrim. Trajnerët tanë dinë me i mësu qysh me përdor armën, qysh me arrestu dikë por trajnerët tanë e kanë problem me mësu gjuhë shqipe apo matematikë”, tha drejtori i Policisë, Mehmeti. /InLajmi/
