Shefi i Grupit Parlamentarë të AAK-së, Besnik Tahiri në konferencën e mbajtur për media këtë të enjte ka folur edhe për deklaratat e Qeverisë së Kosovës, lidhur me verifikimin e listave të veteranëve, raporton InLajmi.
E krejt kjo sipas Tahirit, është jo serioze dhe e pakuptueshme.
“Ramush Haradinaj nuk kërcënon. Ramushi vetem po i kallxon që nuk mund të më kallxosh sa ushtarë i kam pasur në Dukagjin, se ti ke nejtë në Prishtinë. Kurti mund të na tregojë sa njerëz i ka pasur në qeli e sa shumë ka vuajtur e jo sa ushtarë i ka pas Dukagjini. Kjo është e pakuptueshme, jo serioze, me ia prek dinjitetin secilit ushtar’’, tha Tahiri./InLajmi/
