Deputeti i Lëvizjes Vetëvendosje, Adnan Rrustemi, nuk hezitoi të jap detaje rreth takimit me ish-krerët e Ushtrisë Çlirimtare të Kosovës në Hagë, përcjell InLajmi.
Delegacioni i Kosovës në krye me ministrën e Drejtësisë, Albulena Haxhiun, vizituan Dhomat e Specializuara në Hagë.
Rrustemi ka thënë së kanë takuar nga afër Hysni Gucatin, Pjetër Shalën dhe Rexhep Selimin, kurse sot, Jakup Krasniqin dhe Nasim Haradinajn, pasi siç deri me tani dihet ish-presidenti i Kosovës, Hashim Thaçi dhe ish-kryeparlamentari i Kosovës, Kadri Veseli, nuk pranuan të takohen me delegacionin.
Ndërsa deputeti tha se kjo vizit shërbeu për të parë nga afër nevojat që ish-krerët kanë dhe në lidhje me aspekte të tjera të ilat lidhen direkt me Gjykatën.
Postimi i plotë i tij:
Së bashku me Nënkryetaren e Kuvendit, Saranda Bogujevci, Ministren e Drejtësisë, Albulena Haxhiu dhe deputetin Erxhan Galushi, gjatë vizitës Dhomave të Specializuara, dje takuam Hysni Gucatin, Pjetër Shalën dhe Rexhep Selimin, kurse sot, Jakup Krasniqin dhe Nasim Haradinajn.
Ishte vizitë institucionale dhe e rëndësishme. Në këto takime u njoftuam për së afërmi me kërkesat, trajtimin dhe aspekte të tjera që ndërlidhen me Gjykatën. /InLajmi/
