Deputetja e LDK-së po ashtu kryetare e Komisionit për Mbikëqyrjen e Financave Publike, Hykmete Bajrami, para ka deputetëve ka paraqitur raportimin e auditimit për vitin 2020, për ministrinë e Arsimit, raporton InLajmi.
Sipas saj në këtë raport përmenden stërzgjatja e punimeve në disa shkolla dhe mungesa e librave si pasojë e mos porositjes më kohë, kurse ajo tha se vlen të cekët së ky raport është shqyrtuar pa praninë e ministres, Arbërie Nagavci.
“Komisioni për Mbikëqyrje të Financave ka shqyrtuar raportimin e auditimit për vitin 2020. Auditori ka dorëzuar në kuvend raportin për pasqyrat vjetore për vitin 2020. Pasqyrat financiare e ministrisë së arsimit prezantojnë pamje të drejtë për sektorin publik. Në raportin e auditorit është stërzgjatja e punimeve në disa shkolla. Porosia e librave të bëhet me kohë”, tha Bajrami.
Tutje ajo është shprehur se një mori raportesh po shqyrtohen pa praninë e ministrave, por më këtë deklaratë të Bajramit nuk u pajtua Nagavci.
Sipas saj 2 herë është ftuar në komision për financa dhe ka qenë aty e pranishme por që ka ndodhur edhe të mos ftohen farë në komision, ishin fjalët e Nagavcit.
“Unë jam ftuar 2 herë në komision për financa një herë kam marrë pjesë dhe nuk ka ndodhur ku ne jemi ftuar të mos marrim pjesë. Edhe ky raport është shqyrtuar në komision. Shqyrtimi i raportit me rekomandime për auditimin për vitin 2020 adreson 22 rekomandime që kanë të bëjnë me infrastrukturën. Në pjesën më të madhe është punuar nga shtëpia. Adresimin e rekomandimeve kemi hartuar planin e veprimit dhe kemi pasur konsultime të brendshme ta hartojmë këtë plan të auditimit. Ministria ka edhe 6 universitete publike që operojnë si programe të MASHT-it. Për herë të parë kemi bërë auditimin e gjithë këtyre universiteteve publike”, tha Nagavci.
