Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, njofton se gjatë 24 orëve në Kosovë kanë vdekur 2 persona si pasojë e koronavirusit, përcjell InLajmi.
Sipas këtij njoftimi numri i rasteve aktive në Kosovë është 591.
Në 24 orët e fundit në institucionet shëndetësore janë testuar gjithsej 902 mostra të dyshuara për COVID-19 ndërsa deri më tani janë bërë gjithsej 1.798.405 teste.
Të dhënat e fundit kanë njoftuar për 31 persona që kanë fituar betejën me koronavirusin. Numri i përgjithshëm i të shëruarve deri më tani ka arritur në 223.746, ndërsa numri i rasteve aktive është 591.
Sa i përket procesit të vaksinimit, gjatë 24 orëve të fundit janë dhënë 278 doza të vaksinës, ndërsa prej fillimit të vaksinimit në të gjitha qytetet e Kosovës janë dhënë 1.822.098 doza të vaksinës. Deri më sot 820.402 qytetarë janë vaksinuar me dozën e 2-të /InLajmi/
