Kryetari i Komisionit për Ekonomi, Industri, Ndërmarrësi dhe Tregti, Ferat Shala, ka folur në lidhje me mosvotimin e Komisionit për Hetimin e Menaxhimit të Krizës Energjetike.
Shala, u shpreh se u tërhoqën nga frika dhe paniku, pasi sipas tij, nuk ishin të gatshëm të ballafaqohen.
“Bashkë kishim rënë dakord të krijojmë një grup të përbashkët parlamentar, ndërkohë ata ndërruan qëndrim, propozuam edhe kandidatët. Në moment të fundit ndërruan qëndrim nuk patën guxim as mundësi që të ballafaqohen me një proces demokratik hetimor parlamentar”, u shpreh Shala.
“U tërhoqën nga frika dhe paniku që vërtet nuk ishin të ballafaqohen me realitetin, me menaxhimin të keq të pandemisë, të krizës energjetike, me situatën menaxhimit financiar”, shtoi ai.
Shala mes tjerash theksoi se krijimi i një komisioni hetimor do të nxirrte sipas tij, keq-menaxhimin dhe dëmin financiar.
“Në këtë relacion komisioni hetimor parlamentar do të nxirrte në shesh gjithë atë keq menaxhim dhe gjithë atë dëm financiar që taksapaguesit dhe buxhetit të Kosovës po i kushton ende”, shtoi ai.
“Nga qeveria, nga Albin Kurti dhe ndihmësit e tij, të cilët kanë qenë direkt ose indirekt të involvuar në aferat financiare, të cilat do të mund të hetoheshin gjatë kësaj faze”, tha ai në Klan Kosova.
Shala theksoi se nisma e 2-të mund të merr kohë deri në 2 muaj.
