Presidenti amerikan Joe Biden ka zhvilluar bisedë telefonike me liderët e Francës, Gjermanisë, Italisë dhe Mbretërisë së Bashkuara, për të diskutuar zhvillimet më të fundit në Ukrainë.
Joe Biden ishte në Bruksel dhe Poloni gjatë javës së kaluar, ku mori pjesë në samitin e NATO-s dhe takoi secilin lider të vendeve anëtare.
Megjithatë deri më tani nuk është zbuluar saktësisht, se për çfarë kanë diskutuar presidenti amerikan dhe liderët evropianë, transmeton Telegrafi.
Ndryshe sot Ukraina ka hyrë në ditën e 34-të të pushtimit rus, kur forcat e Kremlinit kanë vazhduar sulmet si nga ajri ashtu dhe në tokë.
