Agresioni rus mbi Ukrainën, ka kthyer vëmendjen se duhet të mendojmë edhe për mbrojtjen dhe çështjet ushtarake, pasi që kjo ka ngritur alarm ndaj shteteve të cilat ndërmarrin fushata pushtimi kundër shteteve fqinje. E për çështjet e sigurisë, ka folur ish-komandant elitarë i forcave shqiptare Dritan Demiraj si dhe eksperti i çështjeve të sigurisë në Kosovë, Drizan Shala.
Dritan Demiraj ish-komandant elitarë i forcave shqiptare, njëherë ish-ministër i Brendshëm i Shqipërisë thotë se fillimisht Kosova duhet të anëtarësohet në mekanizma rajonal dhe ndërkombëtarë të sigurisë, ku më pastaj do të ndryshoje dhe misioni i sajë si forcë.
“Kosova duhet urgjentisht të bëhet pjesë e “Partneritetit për Paqe” në NATO dhe pjesë e Kartës së Adriatikut, anëtarësimi në këtu 2 organizata do t’i mundësojë kalimin nga misioni i sigurisë në mision luftarak”,u shpreh Demiraj.
Ndërsa eksperti i çështjeve të sigurisë në Kosovë, Drizan Shala, thekson se me cilat shtete Kosova duhet ngushtësisht të zhvillojë bashkëpunimin në këtë fushë.
“Duke ditur se kapacitet e Kosovës në aspektin ekonomik janë të limituara, Kosova dhe qeveria është dashur ta rrisë bashkëpunimin edhe më fuqishëm me partnerët e saj strategjik, duke filluar me SHBA, Britaninë e Madhe, dhe Turqinë”, tha Shala.
Madje ky i fundit i bënë apel qeverisë së Kosovës që të rrisë bashkëpunimin më aleatët
“Qeveria duhet urgjentisht ta orientojë aktivitetin me SHBA lidhur me ngritjen e kapaciteteve të FSK-s dhe Policisë së Kosovës, për të siguruar pajise ushtarake dhe trajnime intensive”, theksoi ai.
E në atë se Kosovës çfarë armë dhe aftësi i duhen gjenerali shqiptarë specifikon disa prej tyre të cilat momentalisht nuk i zotëron shteti jonë.
“Pajisjet dhe armatimet e saj duhet të përbëhen nga armët të cilat kane treguar sukses gjatë konflikteve të fundit, krijimi i “Regjimentit të Operacioneve Speciale” dhe pajisja e ushtrisë me Drone BK-2, armë të fuqishme artilerie, raketa kundër tanke dhe kundërajrore modern”, tha ushtaraku shqiptarë.
Sipas tij edhe sektori i inteligjencës dhe i komunikimit duhet të jetë në nivel të lartë të gatishmërisë dhe zhvillimit.
“Duhen krijuar rrjete të sigurta komunikimi dhe kapacitete të qenësishme inteligjence, çdo investim duhet bërë në bashkëpunim me ushtrinë Shqiptare”, tha ai.
Ndërsa për ekspertin Shala edhe çështja e armatimit duhet që të bëhet me Shtetet e Bashkuara të Amerikës dhe konfirmon standardeve të aleancës së atlantikut të veriut.
“Kosova gjithherë në koordinim me SHBA duhet të pajiset me armatim me standarde të NATO-s për mbrojtje kundër mjeteve të blinduara-autoblindave dhe tankseve, pajise për mbrojtje ajrore si ,Stinger”, u shpreh ai.
Shala madje ka një këshillë për këtë sektorë ndaj institucioneve të vendit se çka duhet të bëjë me rekrutët e ushtrisë sonë.
“FSK ti kthehet me urgjencë personelit të saj për ta ngritë moralin e tyre për shërbim ndajë vendit, dhe ti largohet lokalizmave edhe pse është shumë kjo, pasi duket që është rrënjosur, edhe pse ka mungesë të paisjeve ka shumë detyra që duhet ti realizojë, trajnimet kolektive në ushtrime fushore, ngritjen e disiplinës, dhe mirëmbajtjen e paisjeve që posedon”, u shpreh ky i fundit për Gazetën Metro.
Eksperti i sigurisë thotë se edhe Policia e Kosovës ka nevojë të reformohet në disa aspekte.
“Njëjtë do të thoja edhe Policia e Kosovës, urgjentisht të rriten me kapacitet në: Të rritet numri i pjesëtarëve të njësive speciale, armët personale, autoblinda dhe sigurimin e municioneve”, tha Shala.
