Kryetari i Komunës së Gjilani, Alban Hyseni ka thënë se Komuna e Gjilanit i ka 29 milionë euro buxhet vjetor ndërsa borxhet i ka 25 milionë euro.
“Fatkeqësisht situata të cilën e kemi trashëguar nuk është e mirë. Gjendja financiare e Komunës së Gjilanit sipas asaj që e kemi gjetur ne nuk është e mirë. Gjilani ka diku rreth 29 milion euro buxhet vjetor ndërsa borxhet në total që i kemi si komunë janë 25 milion, po për të rënduar edhe më tepër situatën është fakti që edhe ndaj komunës borxhet janë të mëdha. Bizneset palët e tjera, qytetarët i kanë diku edhe 10 milion euro borxhe ndaj komunës, kryesisht tatim në pronë por edhe borxhe tjera dhe kjo pak a shumë komunën e bien në një situatë që të jetë diku rreth 35 milion euro borxh në total pra edhe me borxhe që i kemi edhe me ato që i kanë ndaj nesh.”,ka thënë Hyseni.
Kryetari i Komunës së Gjilanit më tej tha se edhe borxhet ndaj komunës janë të mëdha, kryesisht ato të tatimit në pronë, tha ai në Tëvë1.
“11 milion euro i kemi borxhe që janë fatura të pa paguara, pra projekte dhe kryesisht shpronësime ndërkaq 14 milion të tjera janë borxhe që janë në procedurë gjyqësore që janë borxhe kontingjente që presin ose të vërtetohen ose të ulen”, ka shtuar ai.
