Në seancën e Kuvendit të Kosovës që po mbahet këtë të hënë, kryetari i Aleancës për Ardhmërinë e Kosovës, Ramush Haradinaj, reagoi ndaj deklaratave të kryeministrit të vendit Albin Kurti i cili ditë më parë tha se planifikohet të formohet një komision për verifikimin e të dhënave për pensionet e veteranëve, raporton InLajmi.
E krejt kjo sipas Haradinajt është e pavend, pasi që siç tha ai, nuk është koha që mos t’ju rriten pensionet, gjegjësisht është koha që të nderohen ata që kanë kontribuar për vendin tonë.
“Nuk e meritojnë ofendimin, pra të fillojnë edhe njëherë me këto procedura, të shikohet kush është luftëtar i vërtetë e kush jo. Nuk është koha, e duhet rikujtuar se ka pas një proces gjyqësorë edhe më herët . Është koha t’i nderojmë ata”, tha Haradinaj. /InLajmi/
