Kryetari i Prizrenit, Shaqir Totaj ka realizuar një takim me ministrin e Industrisë dhe Teknologjisë në Republikën e Turqisë, Çetin Ali Dönmez dhe ambasadorin e Turqisë në Kosovë, Çagri Sakar, përcjell InLajmi.
Gjatë takimit u bisedua për nxitjen e investimeve nga investitorët e Turqisë në Prizren dhe u dakorduan që të ndërveprohet me ambasadën për të rritur kapacitetet profesionale në përputhshmëri me nevojat e tregut.
Totaj theksoi se Turqia ka qenë përherë mike e vendit tonë dhe na ka mbështetur e ndihmuar në zhvillimin e sektorëve të ndryshme siç janë edukimi, shëndetësia e ekonomia.
Postimi i plotë i tij:
Kishim kënaqësinë e veçantë të prisnim në vizitë në Komunën e Prizrenit zv. Ministrin e Industrisë dhe Teknologjisë në Republikën e Turqisë, z. Çetin Ali Dönmez i shoqëruar nga Ambasadori i Republikës së Turqisë në Kosovë, z. Çagri Sakar dhe bashkëpunëtor.
Biseduam për nxitjen e investimeve nga investitorët turq në Prizren dhe rritjen e bashkëpunimit mes nesh, poashtu u dakorduam të ndërveprojmë me ambasadën për të rritur kapacitetet profesionale në përputhshmëri me nevojat e tregut.
Turqia përherë ka qenë vend mik i yni dhe na ka mbështetur e vazhdon të na ndihmoj në zhvillimin e sektorëve të ndryshme siç janë edukimi, shëndetësia e ekonomia. /InLajmi/
