Për të kuptuar më shumë rreth këngëtarëve të caktuar ndonjëherë mjafton të hyjmë në profilet e tyre të “Instagramit”.
Por ajo që e shohim në profilet e tyre është pikërisht ajo krejt çka ata na lejojnë t’i shohim.
Pas atyre postimeve ka edhe shumë prapaskena që nuk i dimë.
E në këtë rast hynë dokumentaret që shpesh i kemi parë për personazhet publike botërore që sjellin një hyrje më të detajuar në jetën e tyre dhe në prapaskenat e asaj çfarë ne jemi mësuar të shohim.
Mirëpo, kjo gjë është shumë e rrallë në botën e artit shqiptar.
Por reperi i njohur shqiptar, Noizy ka vendosur që t’u japë mundësi njerëzve për të kuptuar gjithë punën dhe jetën e tij gjatë viteve të rinisë dhe kulmit në muzikë.
I ftuar në “N’majë t’gjuhës” reperi zbuloi se dëshiron që të realizojë një dokumentar për jetën e tij duke shtuar se pjesë e këtij projekti do të ishin edhe 9 shokë të tjerë të tij të grupit OTR.
Njerëz që janë pjesë e jetës së reperit që prej vitit 1997.
“Do të jemi 10 persona. Do të bashkohemi dhe do të gjejmë një person që do të mbajë shënim çdo gjë rreth nesh. Arritjet, vuajtjet, sukseset. Do të jenë 10 anëtarët kryesorë të kësaj biografie.”, rrëfeu reperi, shkruan lajmi.net.
Por, ky projekt do të fillojë realizimin e tij pas moshës 40 vjeçare të artistit.
